ભીંની છે આંખ વતનની

ભીંની છે આંખ વતનની જવાનો….

 

ઘૂમતો, રણ  સાગર  ને  હિમાળો

વિકટ પથડે ગીત વતનના ગાતો

વીર ધરી અંગ ત્રિરંગો પોઢાયો

કુંભ અમૃતનો જાણે રે ઢોળાયો

 

ઝૂકાવી શીશ દઈએ સન્માનો

ભીંની છે આંખ વતનની જવાનો(૨)

 

દુર્ગમ ઘાટે રમતી નિત સવારી

શાન અમારી જ ખુમારી આ તારી

ના ફિકર દગાબાજોના મતવાલો

સાવજ શૂરો ધન્ય તું રખવાળો

 

ઝૂકાવી શીશ દઈએ સન્માનો

ભીંની છે આંખ વતનની જવાનો(૨)

 

તું અભિમન્યુ જ અમારો ઓ ધીરા

ભારતમાની શાન જ તું દુલારા

છે લાખેણી શહાદત જ યારો

ધન્ય તમે માવતર! વીર સંતાનો

ઝૂકાવી શીશ દઈએ સન્માનો

ભીંની છે આંખ વતનની જવાનો(૨)

રમેશ પટેલ(આકાશદીપ)