બેનીના આશિષ

રક્ષા તણે તાંતણે ભાઈલા,

હું તને રક્ષુ છું.....!

તારી સર્વે બાધાઓને,

હું છેદી નાખું છું....!

નહીં ફરકવા દઉં કોઈ,

ગમની લહેર,

એટલી પૂરેપૂરી ખાતરી

આપું છું.....!

આ રાખડીના તાંતણે તાંતણે

મેં વિનવ્યા છે પ્રભુને....!

 બસ રહે ખુશ તું સદા,

 એવી આજીજી કરી છે

 પ્રભુને....!

રક્ષશે સદા તુજને મારી આ

હેતભરી રાખડી,

 ને કદમ ચૂમશે જીવનમાં,

સફળતા તારી....!

હૈયાના હેતથી આશિષો

છલકાવી,

બેની તારા જીવનમાં

ખુશહાલી પ્રાર્થે છે....!

રક્ષાબંધન તો ખાલી 

નિમિત્ત જ છે,

હું તો સદા તારી રક્ષાની

પ્રાર્થના કરું છું....!

ભાઈલા હરહંમેશ ખુશ

રહે તું,

તારી બેનીની અપ્રતિમ

ઢાલ છે તું....!