બાળપણ બચાવીએ

બાળપણમાં હોય રમતની રજા

બાળપણ તો ભોળપણની મજા

આ બાળમજૂરી અટકાવી, બાળપણ બચાવીએ...!

બાળપણ છે નિર્દોષતાનો ખજાનો

એને આપીએ ભણતરનો ખજાનો

આ બાળમજૂરી અટકાવી, બાળપણ બચાવીએ...!

બાળપણ છે સર્જનાત્મકતાથી ભરેલું

એમાં અવનવી પ્રવૃતિના છોડ ઉગાડું

આ બાળમજૂરી અટકાવી, બાળપણ બચાવીએ...!

બાળપણ એ તો ભવિષ્યનું દર્પણ

એમાં હાસ્યરૂપી છોડનું કરો નિર્માણ

આ બાળમજૂરી અટકાવી, બાળપણ બચાવીએ...!

બાળપણમાં હોય મિત્રતાની વાત અનોખી

બાળક બનીને બાળક સંગ રીત કરીએ નોખી

આ બાળમજૂરી અટકાવી, બાળપણ બચાવીએ...!

બાળપણ જેવું રહેશે આપણું ઉજળું

ભવિષ્ય બનશે આપણા દેશનું મહેકતું

આ બાળમજૂરી અટકાવી, બાળપણ બચાવીએ...!