બાળનાં આગમન સુધી

રહેશે તારી રાહ જીવનની અંતિમ ક્ષણ સુધી,

કરજે ફતેહ દુશ્મન પર મા ભોમનાં કણ સુધી !

લીધી શપથ દેશ કાજે તું નિભાવી જાણજે,

ના ડગે તારા કદમ રક્તનાં અંતિમ કણ સુધી !

શોર્ય ને વીરતા તનમાં વહે માનાં ધાવણ થકી,

તુજપર રહેશે ઋણ એ આખરની ક્ષણ સુધી !

છે ગુમાન ને ગર્વ ઘણો આ તારી બહાદુરી પર,

વિજય વાવટો લહેરાશે ચોતરફ આંગણ સુધી !

ઊગશે સુવર્ણ પ્રભાત એ સ્વાગત આરતી હાથ,

જીતી આવજે જંગ તું બાળનાં આગમન સુધી !