અલગારી પ્રેમ...

અધકચરી આવડત છે મારી, 

મને નથી આવડતો સીધી લીટીનો પ્રેમ.

નથી આવડતો ઝાકમઝાળ વારો પ્રેમ.

બસ આવડે છે ફકીર માફક અલગારી પ્રેમ...

પણ આ મારા પ્રેમને જાણવા માટે પણ તારે અલગારી બનવું પડે...

સાવ નફ્ફટ સવાલો હોય છે મારા,

અને સાવ અણછાજતું વર્તન. 

અને તું જાણે છે છતાંય મને ચાહે છે.

એ તારી મહાનતા છે.

જિંદગીને પ્રસાદી માની છે.

મારા એકલાનો થોડો હક છે.

એ પણ આ પ્રસાદીનાં ભાગીદાર છે. 

એ એની નિયતિ લઈને આવ્યા છે.

હું માત્ર વહેંચી રહ્યો છું, કોઈ પણ જાતની અપેક્ષા વગર.

પ્રેમ પ્રસાદ... આવ આપણે સાથે મળીને વહેંચીએ....

વચન કેવા?

એમજ વિશ્વાસ હો

જિંદગી ભર.