અલબેલી છોકરી
અલબેલી છોકરી
દિલમાં ઉત્સાહ જગાવી ગઈ,
અજાણી અલ બેલી છોકરી,
સાંસોના તારને ઝંકૃત કરી ગઈ એ છોકરી,
મોસમનો પહેલો વરસાદ બની ભીંજવી ગઈ,
અજાણી અલબેલી છોકરી,
કેટલાય કામણ કરી ગઈ એ છોકરી,
હોઠ એના જાણે કમળની પંખૂડી,
બોલે તો મોતી ઝરે,
કુદરતે આપ્યું રૂપ એને ખોબલે ભરી,
ઋતુઓની એ છે રાણી,
અપ્સરા પણ એની પાસે ભરે પાણી,
એ તો રૂપ રૂપના અંબાર સમી રાણી,
એની સુંદરતા સૌએ વખાણી,
ખુશીઓની કરે એ લ્હાણી,
વિશ્વની તમામ સુંદરતા એમાં સમાણી,
મીઠી મધુર છે એની વાણી,
મને મળી એક છોકરી અલબેલી અજાણી,
રહસ્ય ભરેલી લાગી મને એની આંખો મજાની.