અહમ
અહમ
બીજાના વાંક કાઢવામાં વાળ ઉતરી ગયા,
ખુદ ના વખાણમાં સ્વભાવ કોતરી ગયા,
લાગણીનાં કિરણો મનમાં ન રહ્યાં,
સંબંધોની દલીલમાં મોખરે રહ્યાં,
અહમનાં ડુંગર બહુ ફતેહ કર્યા,
જમીન પર ચાલતા જ ભૂલી ગયા,
અધૂરા અરમાનોનો દોષ લાદયો અંગત પર,
મોકળા મનથી કોઈને અપનાવતા ભૂલી ગયા,
વિચારોનાં મતભેદથી મનભેદ થવા લાગ્યા,
પ્રેમનાં વહેણમાં એકલા ડૂબવા લાગ્યા,
'તારું' અને 'મારૂ' ની આ લડતમાં પથિક,
કાંઈક 'આપણું' આપણે ગુમાવતા રહ્યાં !