અંગત
અંગત
જરા પણ રંજ એમનાં પગરખાં પર ન હતી,
એમનાં હૈયામાં માણસાઈની ગંધ ન હતી. (૧)
કુબેર સંગ એમનું મિલન થયું હતું,
પણ ભોળાનાથ એમનાંથી થવાયું ન હતું. (૨)
ચહેરો એમનો ચોખ્ખોઅને શ્વેત હતો,
પણ હ્રદયમાં કરુણાનો છાંટો ન હતો. (૩)
રૂમાલ પર એમનાં એક પણ ડાઘ ન હતો,
પણ મનમાંથી અંધકાર છૂટતો ન હતો. (૪)
જગતની બધી જ વિગત એ જાણતો હતો,
પણ પોતાના મા - બાપની ખબર કાઢી ન શક્યો હતો. (૫)
દુનિયાને બતાવવા અઢળક પૈસો હતો,
ખુદની નજર એ મિલાવી શક્તો ન હતો. (૬)
બધી સુખ સુવિધા હતી એનાં પાસે 'પથિક',
કોઇક સાથે બેસી રડી શકે એવું કોઈ અંગત ન હતું. (૭)