અધુરી પણ મધુરી ચાહત
અધુરી પણ મધુરી ચાહત
એક દિવસની અનોખી વાત છે,
હસીન બનાવી દે એવી એ નિરાલી વાત છે.
જોયા હતા મે એમને દૂરથી અનાયાસે,
આંખોથી આંખો મળી વગર કોઈ પ્રયાસે,
છલકાતુ હતુ એક નિર્દોષ સ્મિત એ હોઠો પર,
એક મોહક સ્નેહ પથરાઈ ગયો મારા એ ગાલ પર.
થયું કે આતો એક નજર મળ્યાની વાત હતી,
ભૂલી જવાશે ઘડીમાં, એ જવાનીની ઉડાન હતી.
એક વાર મળ્યા ને રોજ જોવાની ફક્ત ચાહ છે,
બસ મળી જાય કોઈ મોકો એની હવે વાર છે.
હાલત મારી જ નહોતી એવી કે હુ જ છું નિરાધાર,
તે પણ બન્યો જ છે ને મારા એ કાતિલ પ્રેમનો શિકાર.
ના કોઈ પામવાની ચાહત છે કે ગુમાવવાનો ડર,
બસ તેને જોયા કરૂ એવો જ મારો છે પ્રિયતમ,
ના એને કહ્યું, ના મે કહ્યુ, ના કોઈ મિલનની વાત,
એકબીજાને મન મુકીને ચાહ્યા કર્યું એ છે અનોખી વાત.
આજે. વર્ષો વીતી ગયા, ના એક થયાં ના જુદા,
બંનેના જીવનસાથી અને મંઝિલ છે નિરાલા.
આજે ફરી અનાયાસે એક મુલાકાત થઈ,
નયનો સાથે નયન મળ્યાની એ વાત થઈ.
એ ચાહત હજુ અકબંધ હોવાનો આભાસ થયો,
પળોમાં તો અખુટ લાગણીઓનો મધુરો અહેસાસ થયો.