અભિપ્સા
અભિપ્સા
માપી લેવો છે દરિયાને મીન બનીને
ગોતી લેવી છે ચમક તારલાની છીપમાં મોતી બનીને
આલિંગવા છે કિનારા ભરતીના મોજા બનીને
ખીલવવા છે સંધ્યા રંગોને ક્ષિતિજ બનીને
તરી લેવું છે મહેકતી હવામાં પક્ષી બનીને
ઝૂમી જવું છે બહેકતા પવનમાં પાન ડાળી બનીને
આમંત્રવા છે કાળા ધેરા વાદળોને પર્વત બનીને
લપાવવા છે ગગન ચૂમતાં પર્વતોને ધુમ્મસ બનીને
હસાવવા છે પર્વતોને ઝરણાં બનીને
ઝીલવા છે મેઘ સૃષ્ટિ મલકાવવા અવની બનીને
રમવો છે આંધળો પાટો સૂરજ સંગે અભેદ જંગલ બનીને
પોઢાડવી છે રાત્રિને ભોરનું કિરણ ઝીલતા ઝાકળ બનીને.