આવડત

વ્યથા તો જીવનમાં વહેતી જ રહેવાની 

કેમ છો? હંમેશા કહેતી જ રહેવાની!

 

હતાશાને હડસેલી દઈશ બારણેથી..

ખુમારીને ખિસ્સામાં ભરી રાખવાની.

 

તાણને તતડાવી, વિખેરી દઈશ હું 

સ્મિતને અધર પર રમતું રાખવાની.

 

નિરાશાના નખરા નહીં ક્યારેય પંપાળું,

Advertisement

data-offset-key="4lk3d-0-0">પ્રયત્નોના પૂલે, જાત પડતી મૂકવાની

 

આનંદને ઉઠાવીશ સાતમે પાતાળથી,

કહીશ એને અહીં, અડીંગો જમા’વાની.

 

સોદો કરવો છે મારે, આ સુખની સાથે!

પૂછીશ, બોલ? તારે લાંચ કેટલી લેવાની?