આંખોથી ટપકી ને...

આંખોથી ટપકીને હૈયામાં એ સમાઈ જાય છે,

અટકીને શ્વાસ મારા એમ જ ઘૂંટાઇ જાય છે,

આંખોને દઈ ઢાળી જોવાની રીત તારી ન્યારી,

પાંપણની ભીતરનો તારો પ્યાર મને દેખાય છે,

વહેણ તારી લાગણીનું કેમ ઓચિંતું વધે ઘટે,

તરવા પડું તો તણાઇ જવાની ચિંતા થાય છે,

કંઈક કરી ગુથી છે ગૂંથણી મેં તારી યાદો તણી,

તૂટે જ્યાં સ્વપ્ન તો એમ જ વિખરાઈ જાય છે,

નથી ભૂંસી શકતો લાખ કોશિશ છતાં એ તસ્વીર,

પકડું જ્યાં કલમ તો એજ છબી ચિતરાઈ જાય છે.