આજ ની ક્ષણો નું સુંદર ચણતર કર.
આજ ની ક્ષણો નું સુંદર ચણતર કર.
અતીતની ઉધઈને તું મારી નાખ
આજ ની ક્ષણ ને તું જારી રાખ
અતીતના ચક્રવ્યૂહમાંથી બહાર નીકળી જા
ખુલ્લો છે આ વર્તમાનનો દરવાજો અંદર પ્રવેશી જા
અતીતના અંધકારમાંથી બહાર નીકળી જા
આ સફળતાનો સૂરજ
ભો તારા દ્વારે દસ્તક આપે છે
આ સૂરજનું સ્વાગત કરી લે
શા માટે અટવાયા કરે
આ અતીતની આડિતેઢી ગલીઓમાં
વર્તમાનનો સીધો સુંદર રસ્તો છે તારી રાહમાં
બસ એ રસ્તે ચાલ્યો જા
છોડ એ ભૂતકાળના ગંધાતા ખાબોચિયાને
સુંદર મીઠી સરિતા છે તારી રાહમાં
બસ વહી જા તું એના પ્રવાહમાં
શા માટે અતીતના બીજ રોપે આ હૈયાના ક્યારામાં ?
ઉગેલા છોડ આશાઓનાં આમ મુરઝાઇ જશે
આમ વિચારોના બીજનું વાવેતર ના કર
બસ આજની ક્ષણોનું સુંદર ચણતર કર