કોરોના : ધ લૉકડાઉન

ભૂલી જાને 'સંગી' મનવા થોડાં દી તું પંગત,

ચાલ કરી લે અંગત સાથે થોડું અંગત અંગત.

ફરજ નિભાવો, સમય નથી આ ગમે ત્યાં ભટકવાનો,

કોરોના તો હાથનો મેલ કાયમ ક્યાં ટકવાનો;

તું પછી કરજેને તારે કરવી હોય એની સંગત,

ચાલ કરી લે અંગત સાથે થોડું અંગત અંગત.

ચિંતા છોડી ઊજવી લેને આવો રૂડો અવસર,

લ્હાવો લે તું દેશસેવાનો પ્રયોગ સમજી નવતર;

ઘરમાં બેસી પરિવારમાં તું લાવી દેને રંગત,

ચાલ કરી લે અંગત સાથે થોડું અંગત અંગત.