వానలతో మా పల్లె

వానలతో మా పల్లె

కురుస్తున్న చిటపట చిరుజల్లులు

టపటప చప్పుళ్ళతో చినుకులు

చల్లదనంతో పుడమితల్లి పులకరింతలు తేలిపోతున్న వేడివాయువులు

సూర్యుడిని కప్పేసిన కారుమబ్బులు

ఉరుములు మెరుపులతో జడివానలు

దివి నుండి భువికి నిత్యం వాన దారలు

ఆగి ఆగి అరుపులు పెడుతున్న గోవులు

పాలకోసం ప్రాకులాడుతున్న లేగదూడలు

చినుకుల మధ్య చీమల పరుగులు

చలితో వణుకుతున్న చంటి పిల్లలు

విశ్రాంతి లేకుండా వీస్తున్న ఈదురు గాలులు

నేల కొరుగుతున్న పెద్ద పెద్ద వృక్షాలు

కూలిపోతున్న నిరుపేదల గుడిసెలు

జలమయమైన వీధులు

వీధి వీధిలో రోడ్లన్నీ బురదలు

అనుకోకుండా జరుగుతున్న అద్భుతాలు

అంతలోనే ఆనందంలో విషాదాలు

ఒక్కసారిగా మారిన వాతావరణ మార్పులు

కానీ రైతన్న కళ్ళల్లో మాత్రం కాంతి రేఖలు

నర్ర పాండు✍️