వట్టి మనుషులం

వట్టి మనుషులం మనమంతా మట్టి మనుషులం

గట్టి నటనతో రంగులు పులుము కొన్న నగీషులం

నవ్వుతూనే నవరసాలూ పండించేసే పండితులం

రువ్వుతూనే మాటలూ పుట్టించేస్తాం హాలాహలం

వట్టి మనుషులం మనమంతా మట్టి మనుషులం

గట్టి నటనతో రంగులు పులుము కొన్న నగీషులం

ఎదుటివాడి కొంపముంచనే ఎంతోఎంతో సరదాలే

ఎదుటపడి తనూ కన్పించక కప్పుకొనూ పరదాలే

ఉచ్చనీచాలే మరిచిపోతాం ఎవరూ కానకుంటేను

ఉచ్చిష్ఠమైనా లాగించేస్తాం వేరెవరే చూడకుంటేను

పక్కవాడికి ఎన్నో నీతులు భోధించి నమ్మించేస్తాం

వక్కపొడికూడ దానమివ్వక అంతా అమ్మించేస్తాం

వట్టి మనుషులం మనమంతా మట్టి మనుషులం

గట్టి నటనతో రంగులు పులుము కొన్న నగీషులం

చెప్పుకోను చేంతాడంత ఘనకీర్తి ఉందని అంటాం

వప్పుకొనే వాడుంటే నా అంతటి వాడు లేడంటాం

సహజమైన నటనే మనమూ చూపించి మెప్పిస్తాం

నిజమైన వాలకాన్ని దాచి ఏదో రావాలని లెఖ్ఖిస్తాం

వల్లమాలినా వాత్సల్యాన్ని ఒడలంతా పూయిస్తాం

తెల్లబోయిన సంస్కారాన్ని ఆతెల్లవార్లు వెక్కిరిస్తాం

వట్టి మనుషులం మనమంతా మట్టి మనుషులం

గట్టి నటనతో రంగులు పులుము కొన్న నగీషులం

నవ్వుతూనే నవరసాలూ పండించేసే పండితులం

రువ్వుతూనే మాటలూ పుట్టించేస్తాం హాలాహలం

నట సామ్రాట్టులూ కూడా బలాదూరే మనముందు

పోటిలేని నటన పతకాలన్నీమనకే మునుముందు

నట సామ్రాట్టులూ కూడా బలాదూరే మనముందు

పోటిలేని నటన పతకాలన్నీమనకే మునుముందు

వట్టి మనుషులం మనమంతా మట్టి మనుషులం

గట్టి నటనతో రంగులు పులుము కొన్న నగీషులం