వరం

ప౹౹ 

కనురెప్పలు మూయకనే నేచూస్తున్నానులే 

నిను మెప్పులతో మురిపించ వస్తున్నానులే ౹2౹

చ౹౹ 

వర్ణించను ఒకటా రెండా ఎన్నెన్ని అందాలు 

శోభించినే ఆ వదనం చిలికించి చందనాలు ౹2౹

అందుకో ఆ మది కోరిన ముసిమి ముచ్చట 

ఎందుకో అనక ఎలమినే పూయంచై అచ్చట

౹ప౹ చ౹౹ 

ఎగిరే చిలకా ఎదలోని మాట పలకను లేవా

 తగునే నీకిది తమకమే తనువూరించిపోవా ౹2౹

దారులెన్నో ప్రేమకి దరిచేరాకనే ఒకరినొకరు 

తీరులెన్నో తిన్నగ మరి సాటిగలరే వేరొకరు

౹ప౹

 చ౹౹

 కనులేమి చెపుతున్నాయి కలిగిన హాయిలో 

అసలేమి జరుగుతున్నది వెన్నెలల రేయిలో ౹2౹

ఒకటా రెండా విశదీకరించను వివరంగానూ 

మాటొకటి చాలులే మరులలోన వరంగానూ ౹ప౹