విరహం

ప౹౹

విరహమా ఇవ్వవా కాసేపు విరామం

సరసమా చాలించవా నీకో ప్రణామం |2|

చ||

ఎన్నడో చూపిన ఆ ఉగ్రం చాలించవా

ఎపుడూ చిరు నగవుతో లాలించవా |2|

కనుసన్నలలోనే ఉంచేసి కాపాడవా

కలలోని కమనీయ గీతాలూ పాడవా |పై|

చ||

ఎదగిల్లినే మత్తుగాను ఎడతెరిపి లేక

సొదచేయ మదిలో ఎటుతేల్చుకోలేక |2|

కనిపించని స్వర్గమొకటి కరుణించగ

కలిసి చెలిమి చెలియలికట్టలే తెంచగ |ప|

చ||

ఊహతోనే ఉలికిపాటే సాగినే పాటగ

ఉరకలేసే ఆ ఊహలూ వలపు బాటగ |2|

విరహమా ఇక లేదుగా ఎలమి కరువు‌‌‍‌

విరామమే నీకు అని మరులు ఏకరువు |ప|