వింతహయి

పసిడిపూల తేనెవాన..జల్లులోన వింతహాయి..!

ప్రణయరాగ సరసవీణ..మత్తులోన వింతహాయి..!

రాతిపూల గంధంతో..బంధమేగ జగమంతా.. 

క్రియాశీల సృజనాత్మక..క్రతువులోన వింతహాయి..! 

బోధపరచు ప్రయత్నమే..ఉందికదా అణువణువున.. 

ఆనందమె విందుచేయు..తలపులోన వింతహాయి..! 

చిరునవ్వుల సెలయేఱై..మనసు నిలచిపోయిందా.. 

అల్లుకునే వలపుమెఱుపు..ముద్దులోన వింతహాయి..! 

నీవెవరో నేనెవరో..మనదికాని సంపదేది.. 

సరిహద్దులు మాయమైన..చోటులోన వింతహాయి..!