గ్రంథాలయం
ప్రొఫైల్
ఊపిరికి ఊపిరులు
ఊపిరికి ఊపిరులు
1 min
4
ఊపిరికి ఊపిరులు..నింపుతూ ఉంటావు..!
మదిని నీ పాటగా..మలచుతూ ఉంటావు..!
నాలోని కళలన్ని..నీ రాగ మాలికలు..
ఈ నన్ను వెన్నంటి..నడుపుతూ ఉంటావు..!
నీ రుజువు చూపడం..కాదులే నావల్ల..
నీ చూపుతో నన్ను..చెక్కుతూ ఉంటావు..!
మాటలకు అందకనె..వెలిగేవు మౌనమున..
అక్షరం సాక్షిగా..దూకుతూ ఉంటావు..!
అనురాగ బంధాల..గంధాలు అంటకే..
నిజ ప్రేమ గానమై..పొంగుతూ ఉంటావు..!
సరికొత్త భావల..వెల్లువకు మూలమా..
చైతన్య శిఖరాన..చేర్చుతూ ఉంటావు..!
