వైద్యో నారాయణో హరిః

తల్లిదండ్రులిచ్చిన ప్రాణం కాపాడే దైవం

తెల్లకోటు వేసుకుని నడిచే కరుణా రూపం

కరోనా మహమ్మారి విలయ తాండవం చేస్తూ

మానవ జాతిని ముప్పుతిప్పలు పెట్టి

ఊపిరి పీల్చుకోనివ్వకుండా చేస్తుంటే

ప్రాణాలకు తెగించి

తమ కుటుంబాలకు దూరంగా

రోగుల ప్రాణాలకు ఊపిరులూదుతూ

కొన్ని తరాల్ని నిలబెట్టడానికి చేస్తున్న వారి ప్రయత్నం

వైద్య చరిత్రలో సరికొత్త అధ్యాయం

ఫలించాలని కోరుకుంటూ సహకరిద్దాం మనమందరం