ఉత్తరం ఊసులు

ప౹౹

వెన్నెల రాత్రులు ఎద సృతులు నే రాయనా

చల్లని చందమామను రమ్మని పిలిచేయనా ౹2౹

ప౹౹

వెలికివచ్చే భావాలూ వెనుతిరిగి చూడకనే

పలికి వచ్చే పదాలూ మరి నిలిచే వాడకనే ౹2౹

కారణమేదైనా కలసివచ్చేనూ ఆ తరుణం

కారకమేనడిపి రాయించే తీర్చ లేఖారుణం ౹ప౹

చ౹౹

ఉత్తరమంతా ఊపిరే సలుపనీ ఊసులేను

ఉత్తమమైన కబుర్లూ కురిపించి రాసులేను ౹2౹

రాస్తున్నాలే రంగరించి రాయంచా నడకలా 

వస్తున్నాలే నీకోసం ఎదురే మరి చూడకలా ౹ప౹

ప౹౹

పండుగే పల్లవించే మదిలోన మారాకువేసి

నిండుగా విషయాలు ఆ లేఖతోనే చేరవేసి ౹2౹

అన్ని సంగతులు అడగకనే అందులో రాసి

కొన్ని గురుతుల్ని కోమలంగా మురిపించేసి ౹ప౹