ఉత్తిమాట

తనకన్నా ముద్దుగుమ్మ..ఉండటమా..ఉత్తిమాట..!

తనే లేక ఒక్కక్షణం..బ్రతకటమా..ఉత్తిమాట..!

గుండెలయల కోవెలలో..పసిడిబొమ్మ తానేగా

ఎటుచూస్తే అటు తానే..మరువటమా..ఉత్తిమాట..!

కనుసైగతొ శాసించును..వేనవేల లోకాలను..

తన అడుగుల జాడలనే..వదలటమా..ఉత్తిమాట..!

చిరునవ్వుల నెలవంకల..పుట్టినిల్లు తన హృదయం..

ఆ వెన్నెల వనము లేక..ఆడటమా..ఉత్తిమాట..!

కొండలోయలన్నింటికి..అభిషేకం తన చూపుతొ..

తన తియ్యని ధారలేక..పాడటమా..ఉత్తిమాట..!