ఉంటావు

కనుబొమల నడుమనే..వెలుగుతూ ఉంటావు..! 

కనువారి కోసమే..వెతుకుతూ ఉంటావు..! 

సాక్షిగా ఉంటూనె..నడిపించు నేస్తమా.. 

చిత్రముగ తేడాలు..చెరుపుతూ ఉంటావు..! 

నీ ప్రేమ మాటలకు..లొంగనిది అందనిది.. 

నిజమౌన గంగవై..పొంగుతూ ఉంటావు..! 

పాడుకో తలచగా..నిండేవు హృదిలోన.. 

స్వరసుధా పాతమై..దూకుతూ ఉంటావు..! 

ఈ మనసు గంధాల..మాయేల తొలగేను.. 

ప్రశ్నగా నేనుంటె..నవ్వుతూ ఉంటావు..! 

భావాల మాలతో..అర్చింప నేనెంత.. 

నా ధ్యాన సుమమాల..కోరుతూ ఉంటావు..!