ఉన్నదేమో

నిన్ను గూర్చి గాక ఇంక..తలచుకోను ఉన్నదేమి..!? 
నీ మహిమది గాక చూడ..పాడుకోను ఉన్నదేమి..!?

సంప్రదాయ మాధురియే..అద్దమాయె నీదయతో..
నన్ను-నేను గాక ఇంక..దిద్దుకోను ఉన్నదేమి..!? 

దొరకలేదు ఈ జన్మము..ఇలా నేను కోరకుండ.. 
హృదియే నీ దేవళమే..తెలుసుకోను ఉన్నదేమి..!?

అటుఇటు పరుగులు తీస్తూ..ఆడుకొంటి నాతోనే.. 
నీవు-నేను వేడుకలో..చూసుకోను ఉన్నదేమి..!? 

మేలుకొలుపు రాగమేదొ..జోలపాడు సంగతేమొ.. 
నాలోపలి నీ లీలయె..చెప్పుకోను ఉన్నదేమి..!? 

కురులతోటి కబురులాడు..వినోదమే ఈ గాలికి.. 
ఈ మనస్సు సందడిలో..పట్టుకోను ఉన్నదేమి..!?