తీయని వలపు

సా౹౹

ఎడద చేరినే చెలి తెచ్చిన జ్జాపకాల పండుగ

ఆ సృతులే లేకున్న జీవితము కాదా దండుగ

ప౹౹

ఆశలూ ఊసులూ కలివిడిగా రేపినే కలవరం

అసలు ఏమిటో చెప్పవే మనసా మరి వివరం ౹2౹

చ౹౹

తీయని వలపే తీగలు సాగి పూలు పూయగా

హాయిని పెంచే ఆమని ముందడుగు వేయగా ౹2౹

గిలిగింతల ఆ క్షణం ప్రేమలోన మధుర రణం

పులకింతలే మదిలో తను తలచిన తరుణం ౹ప౹

చ౹౹

చందమామ చల్లని వెన్నెలే చక్కిలగింతలుగ

అందమైన అనుభూతి ఎదలో గిలిగింతలుగ ౹2౹

ఊగించెనే ఊహలుగా ఊసులతోనే ఊరించి

మ్రోగించెనే ఎలమి నాదం మనసూ లయించి ౹ప౹

చ౹౹

కడలి తీరం కమ్మనీ సమీరం కమనీయమేగా

సడలించి సమయాన్ని ఆ చంద్రుడే నిలిచెగా ౹2౹

కదలి ఆ తలపులలోని వలపును వరించవా

వదలిన ఆశలను వర్తమానంతో సవరించవా ౹ప౹

చ౹౹

ఆ తలపులేగ తనువంత పులకించే పండుగ

ఆ వలపులేగ అణువణువూ నిలిచే నిండుగ ౹2౹

తన్మయత్వమే నింపెనే జ్జాపకాల వలపంతా

చిన్మయానందమే చిప్పిల్లినే చిరకాలమంతా ౹ప౹