తీరని దాహం ఈ రాతిరి

నీ తీరని దాహాలను ఈ రాతిరి భరిస్తోంది

ఆ తీయని భావాలను నా మౌనం లిఖిస్తోంది

అందమైన ప్రేమ కథలు చెప్పలేదు నీవెపుడూ

నువు రాయని నీ కథలో ఈ సారిక నటిస్తోంది

తాళలేని తారకాల ఎదలయలకు శ్రుతిలయగా 

వెలివేసిన విరహాలను సిరి వెన్నెల వరిస్తోంది

దేహవీణ తంత్రులపై మోగుతోంది గమకమొకటి

అణువణువున అనుభవాల మధురాక్షరి రచిస్తోంది

తలగడగా నలుగుతున్న తపనలేంటి ఓ సత్యా!

పెరుగుతున్న తహతాహలకు ఈ దేహం జ్వలిస్తోంది