గ్రంథాలయం
ప్రొఫైల్
గులాబీకి
గులాబీకి
1 min
2
ఏ గులాబి ఇవ్వగలను..కరుణించని గులాబీకి..!
కబురులెలా చెప్పగలను..కనులెత్తని గులాబీకి..!
ఎండ మండి పడినట్లే..ఉంది కదా ఈ విరహం..
మనసునెలా చూపగలను..ఇటుతిరగని గులాబీకి..!
మంచుమబ్బు వస్తుందను..ఆశ ఏది లేదిప్పుడు..
అలుకనెలా తీర్చగలను..దరిచేరని గులాబీకి..!
నా తలపులు మౌనముగా..పండించే కోమలియే..
సౌఖ్యమెలా కూర్చగలను..వేదించని గులాబీకి..!
ప్రాణాలకు ప్రాణమైన..నెచ్చెలియే జన్మలుగా..
మధువెలాగ పంచగలను..హృదివీడని గులాబీకి..!
నేనేమిటొ నాదేమిటొ..తేటపరిచె చెలిమిమీర..
కృతజ్ఞతేం తెల్పగలను..మరి వాడని గులాబీకి..
