ఆకాశమంత
ఆకాశమంత
తండ్రి..
బిడ్డ బుడిబుడి అడుగులకు
గుండెను పరుస్తాడు
బిడ్డ తడిపొడి నుడుగులకు
నవ్వును చిందిస్తాడు
బిడ్డ వడివడి నడకలకు
చిటికెనేలు అందిస్తాడు
బిడ్డ ఆడిపాడే బొమ్మల్లో
తనో బొమ్మై నిలుస్తాడు
తనే ఓ అంబారియై
ఇల్లంతా తిప్పేస్తాడు
తనే ఓ సంచారియై
జగమంతా చూపిస్తాడు
అడిగిన వెంటనే లేదనక కాదనక
బిడ్డల కోసం రేయనక పగలనక
శ్రమించి ఆ శ్రమనంతా దాచి
ప్రేమను అందిస్తాడు
ఎంత ప్రేమనంటే
ఆకాశమంత
రచన : వెంకు సనాతని