గ్రంథాలయం
ప్రొఫైల్
చీకటి తో
చీకటి తో
1 min
2
గదిని వదిలి వెళ్ళవద్దని..చెప్పనెలా చీకటితో..!
నిదురపూలు చల్లవద్దని..చెప్పనెలా చీకటితో..!
ఎదలోయల కురుస్తున్న..అగ్గివాన బాగున్నది..
ఆ వర్షం ఆపవద్దని..చెప్పనెలా చీకటితో..!
ఏదోలా కవ్విస్తూ..కలను చేరు పనేమిటో..
గుండెపట్టి పిండవద్దని..చెప్పనెలా చీకటితో..!
తారావళి మాయమైన..గగనంలా మనసైనది..
దీపావళి జరపవద్దని..చెప్పనెలా చీకటితో..!
వరదనీటి భీభత్సం..పండుగెలా అవుతుందో..
నేల ఉనికి చెరపవద్దని..చెప్పనెలా చీకటితో..!
హంసలేఖ చదవలేని..చదువులతో ఏం లాభం..
జాబిలితో చేరవద్దని..చెప్పనెలా చీకటితో..!
