తప్పు

తప్పక తప్పులు

చేస్తున్నామంటూ..

తప్పు మాసేందుకుమాట్లాడినా

ఒప్పు చేసేందుకు పోట్లాడినా

తప్పుకుంటూ తిరిగినా

తిప్పుకుంటూ తిరిగినా

తప్పులు తుప్పలు తుప్పలుగా చేసినా

తిప్పలు తెప్పలు తెప్పలుగా చేరినా

తప్పు చేయడం మానని వారికి

తప్పంటే తీపి.!

ఆ తీపి వదలని వారి..

మాటల్లో తప్పు

చేతల్లో తప్పు

మంచిని మయం చేసే తప్పు

చెడుని కాయం చేసే తప్పు

తప్పుని వేలెత్తి చూపితే

అదే పెద్ద తప్పు

ఇదీ..

మనుజుల రీతి

నవ సమాజ నీతి

రచన : వెంకు సనాతని