తెలియకనే

మాట ఎగిరి పడుతున్నది..ముద్దంటే తెలియకనే..!

పాట ఆగి పోతున్నది..వలపంటే తెలియకనే..!

సొంతమైన వసంతాల..వేడుకలో లేనిదెవరు.. 

తోట పూలు పూస్తున్నది..మనసంటే తెలియకనే..! 

ఏ రుతువుకు ఆ రుతువే..ఒక మాయా పరవశమే..

ఆశ చిగురు వేస్తున్నది..బ్రతుకంటే తెలియకనే..! 

అక్షరాల ఆయుధాలు..విసిరేయక శాంతి ఎచట..

కల ఊయల అవుతున్నది..మెఱుపంటే తెలియకనే

ఏ మబ్బుకు ఆ మబ్బే..చేయును కద ప్రేమతపము.. 

కడలి ఎదురు చూస్తున్నది..చినుకంటే తెలియకనే..!