గ్రంథాలయం
ప్రొఫైల్
తెలిసేనా
తెలిసేనా
1 min
2
ప్రశాంతతే ప్రసాదముగ..తలచుతీరు తెలిసేనా..!
'నీ మనసే'! దానినలా..నిలుపుతీరు తెలిసేనా..!
ఎవ్వరినో ఏమో అని..సాధించే దేమున్నది..
నోటి దురుసుతనం తోటి..బ్రతుకుతీరు తెలిసేనా..!
సాయమేదొ చేయలేని..మంచితనం గొప్పేమిటి..
అసలుచెలిమి వనమేదో..పెంచుతీరు తెలిసేనా..!
శ్రమచేయక ఫలమేదో..ఆశించే పనేమిటో..
దు:ఖంతో గొడవపడితె..సుఖముతీరు తెలిసేనా..!
స్పర్దలేక వృద్ధిలేదు..వ్యాపారం ఏదైనా..
చంపుకు తిను ముచ్చటలో..చదువుతీరు తెలిసేనా..!
