సుందరి

నీ నవ్వులన్నీ పువ్వులై విరబూస్తుంటే

ఆ పూల వర్ణాల అందాలు చూడడానికి

ఈ నయనాలు చాలునా......

నీ నునునిగ్గుల బుగ్గలలో

 సిగ్గులు మందారంలా ఎరుపెక్కుతుంటే

ఆ మందారాల మధురిమలు దర్శించడానికి... 

చూసి తరించడానికి

ఒక్క ఎద చాలునా......

సరిపోవు భాషలెన్నున్నా

సరిపోవు భావనలెన్నున్నా.....

వర్ణించలేని

వర్ణించడానికి వీలుకాని.....

అభినవ

అద్వితీయ

సుందర

సువర్ణ

పారిజాత ప్రాయమా

కవులకందని అపురూపకల్పన

ఏ శిల్పి చెక్కని లావణ్యమా.....