సందేశం

ప౹౹ 

సందేశం ఒకటి పంపాను సారించి చూడుమా

 సందేహంలేక సమ్మతించి మౌనము వీడుమా ౹2౹

చ౹౹ 

గుసగుసలుగా చెప్పా ఊసులా గుర్తుకోసమే 

అసలసలుగా చూపానూ మదిలోని సరసమే ౹2౹

ఊహలోని ఆ వలపునూ వ్యక్తమే చేయాలని 

స్నేహద్వారాల చెలిమిని స్వాగతించేయాలని

౹ప౹ 

చ౹౹ 

చరవాణి చేరవేసే వాహినిగా వర్థిల్లు నిత్యమే 

పూబోణీ పులకించి సహకరించుటా సత్యమే ౹2౹

వరుస సందేశాలూ వలపుబాటలో సహజమే 

సరస సమావేశాలతో సన్నిహితమూ నిజమే

౹ప౹ 

చ౹౹

 వెసులుబాటే చూసుకొని వేగమేస్పందించవా 

అసలు పాటే ప్రేమలోన కలదని నినదించవా ౹2౹

అందిన వాయుసందేశం వలదనకనూ చూడు 

పొందిన అనుభూతినంతా తెలుపుమా నేడు ౹ప౹