సమయాన్ని వెనక్కు తిప్పలేం

తెలీనితనం కాదు

ఇది నిస్సంకోచంగా నిర్లక్ష్యం

నీకిష్టమొచ్చినట్లు చెట్లు నరికావ్

చెరువుల్లో భవనాలు నిలిపావ్

లెక్కకు మించిన వాహనాలు

తక్కువ కాని కర్బన ఉద్గారాలు

ఊపిరాడని నగరాలు

ఉక్కిరబిక్కిరైన ప్రాణాలు

భవిష్యత్తు అని చంద్రుణ్ణి చేరావ్

పక్క గ్రహాల మీద నీళ్ళు వెతికావ్

కానీ

నువ్వున్న చోటు చూసుకున్నావా

ఈరోజు ఆక్సిజన్ వెతుక్కుంటూ

రేపు మరోటి వెతుక్కుంటూ

నీ పరిస్థితి అవలోకనం చేసుకున్నావా

సమయాన్ని వెనక్కు తిప్పలేం

కానీ తిప్పలు రాకుండా

నీ ఆలోచనలు మార్చుకోవచ్చు

ప్రయత్నిస్తే మళ్లీ ప్రకృతి మనసు గెలవచ్చు

ఏమంటావ్