సిలకా

అన్నీ తెలుసంటావు సిలకా

నా వాళ్ళు నాదంటూ దేవులాడేవు సిలకా

నా ఇల్లు నా ఆస్తి అని పరితపించేవు సిలకా

నాది నాది అని మురిసిపోయేవు సిలకా

యవ్వనపు పొంగులూ సిలకా 

కాలంలో కరిగేను సిలకా

బంధాల పద్దులూ సిలకా 

పైవోడు రాస్తడే సిలకా

ఆ కాలమొస్తేను సిలకా 

యముడు అగుపడతాడు సిలకా

ఇష్టమో కష్టమో సిలకా

ఎల్లక తప్పదే సిలకా

అందుకే మోహమ్ము వదలవే సిలకా

బూడిద (భస్మం) పెట్టేటప్పుడు సిలకా

ఈ ఒళ్లు నీ వోళ్ళు బెమ అని తెలుసుకో సిలకా

మరణంలో నీ తోడు సిలకా

మహాదేవుడొక్కడే సిలకా

ఇషయం ఇప్పి సెపుతా ఉండా సిలకా

ఆపైన నీ ఇష్టమే సిలకా

వేదాంతమో అనుభవమో

కూసింత వినవే సిలకా