శ్రీహరి స్మరణ
శ్రీహరి స్మరణ
1.యదుకులవంశ కిశోరుని
సదమలహృది భక్తి దల్చి సారెకు కొలువన్
మదమన్నది తొలగును సం
ప్రదమగు మార్గము దొరుకును
పరములభించున్./
2. ఘనమగు వేలుపు శ్రీహరి
మన వెంట చరించు నెప్డు మనలో నొకడై
కనుగొన గలిగిన చాలును
గుణరహితుడు దరికిచేరి కూరిమి చూపున్ /
3. సుగుణమ్ములప్రోవు హరిని
నిగమాంత నుతుని భజింప నియమముతోడన్
సుగతిని పొందుట తధ్యము
ఖగపతి పదరేణువొకటి కాచును మనలన్./
4. సతతము హరినే దల్చగ
వెతలన్నియు తీరు మనకు విభవము కల్గున్
ధృతి నిచ్చెడివాడే స
ద్గతినొందెడి దారిచూపు గమనిక తోడన్/
5. కరుణను జిలికెడి కృష్ణుని
వరయుగపురుషుని నిరతము భక్తిగ వేడన్
బరుగున వచ్చును తోడుగ
పరమాత్మ చెలిమియె పరమ పథమును జూపున్ /
6. హృష్టిగ కొల్చిన శౌరిని
కష్టములెల్ల తొలగించు కరుణాత్ముండై
భ్రష్టుల దునుముచు సరగున
శిష్టుల రక్షించు నెప్డు శ్రీకరమొప్పన్/