శివమూర్తి

శివమూర్తి
(కంద పద్యములు)

శివుడే దైవంబనుచును
భవ జలధిని దాట గోరి ప్రార్థింతు మదిన్ 
దివిజేంద్రనుతుని గాంచుచు 
శివరాత్రి దినమున నిల్చి సేవింతు వెసన్.//

నరకంబున ద్రోయకు మని 
కరిచర్మాంబర ధరునికి కైమోడ్చుచు నే 
పరిచారికనై నిత్యము
విరిమాలలతోడ కొల్తు వేడుక మీరన్.//

జయమంచు మా కపర్ధిని
నియతిగ కీర్తించు చుండి నిర్మల మతితోన్
దయగొని కాచెడి శంభుని
భయహారిగ తల్తు నెపుడు భావనలోనన్.//

గిరిజాపతి యని పిల్వగ
పరుగున వచ్చుచు పినాకి పరమాప్తుడిగన్ 
జరియించును నా తోడుగ
పురహరుడే దిక్కటంచు మ్రొక్కెద ప్రణతిన్.//

పలుమారులు నామంబును 
పలుకుచు నుండెద తొలగగ పాపపుటూహల్.
నలుదిక్కుల తేజముతోన్ 
వెలిగెడి శివ మూర్తిని గన వేడెద వినతిన్.//