సామ్రాజ్యం

ఎప్పటికప్పుడు ప్రమాదాలు

ముంచుకొచ్చిన శత్రువుల ముప్పులు

తల్లడిల్లేట్లు చేసే ప్రకృతి వైపరీత్యాలు

సామ్రాజ్యం అంటే 

కేవలం భోగాలేనా

ఆకస్మిక దాడులు

కక్ష్య సాధింపులు

కుటుంబ రాజకీయ శత్రువులు

రాజ్యకాంక్ష బలపడి

రవంత విశ్రాంతి లేకుండా

యుద్ధభూమిలో కాలం గడపడం 

ఇవి కూడా ఉంటాయి కదా

మరి అన్ని ప్రమాదాలు ఉన్నా

అదే పదవంటే వ్యామోహం ఎందుకు

రక్తి కోసమా

అధికార దర్ప ప్రదర్శనకా

విరక్తి కలిగేంత అనుభవించేందుకా

ప్రజలను పాలించే వాడు 

మంచి కోరే రాజులు

చూపిన మార్గం ఏమిటి

కేవలం అధికార దాహమైతే కాదు కదా

ఇంకేదో ఉంది

సుభిక్ష రాజ్య స్థాపనకు

త్యాగాలు మూలమయ్యాయి కదా

మరి కుత్సిత రాజకీయాలకు

దేశములు నిలబడునా

వాటి నుంచి జాతి రక్షించబడునా