ప్రతిఫలం

ప౹౹

వలపనే గాలాల ప్రతిఫలము ఆ వగపేనా

తలపునే నమ్మినా తనదీ ఒట్టి పిలుపేనా౹2౹

చ౹౹

పగిలిన అద్దం ప్రతిఫలించునే కొంచెమైనా

రగిలిన గుండెలే ప్రేమించలేవ రవ్వంతైనా౹2౹

భగ్న హృదయమే భరించునా ఎడబాటు

నిర్విఘ్న వలపు వ్రతమే చెందే తడబాటు

౹ప౹

చ౹౹

కలసిలేకుంటే ఈఎదమొత్తము కలవరమే 

అలసిపోయి ఆ కథ మొత్తము పలవరమే౹2౹

చిరు చలి హేమంతం చిరు నవ్వే పంచగా

చిగురించని ప్రేమలో చింతలే నీవే పెంచగా ౹ప౹

చ౹౹

ఒకనాటి ప్రమాణాలు ఒట్టి పోవలసిందేనా

ఏకసాటి సరసాలే సాగిలి పడవలసిందేనా౹2౹

వరించిన వలపునకు మిగిల్చేది ఎడారేనా

సవరించిన ఆశలతో కనులకూ పొడారేనా ౹ప౹