ప్రియతమా...‌

కనుల నుండి నారూపం చెరపగలవ ప్రియతమా

మనసునుండి నీప్రేమను మలపగలవ ప్రియతమా

మధురమైన జ్ఞాపకాలు మనసువదిలి మనలేవుగ

కాదంటూ కన్నీటిని దాచగలవ ప్రియతమా 

పచ్చబొట్టు ప్రమాణం పచ్చనిదే పరిమళం

వెచ్చదనం వదిలివేసి వెళ్ళగలవ ప్రియతమా

దూరమెంత నడిచిననూ దారులన్నీ నావైపే

లేదంటూ నీఅలసట ఆపగలవ ప్రియతమా

కోవెలంటి నా మదిలో కొలువైనా దైవానివి

మరలివచ్చు మాటొక్కటి చెప్పగలవ ప్రియతమా!!