పరిమళాలు

ప౹౹

పరిమళాలు పూసి తెచ్చానులే పరవశాలు

పరిశ్రమించి రాసి చేర్చా లేఖలోని అంశాలు ౹2౹

చ౹౹

ఎదలో ఎరుకను ఎలమే అని తెలుసుకొని

మదిలో తారాడే తన్మయమే కలిపేసుకొని ౹2౹

ఆమనిలో అందాలే అరవిందాలే చేసుకొని

ఆమెను ఆలంబనగా రాశా దరి చేర్చుకొని ౹ప౹

చ౹౹

కలని కావ్యంగా రాసుకున్నా సరిచేసుకొని

ఏకలవ్య బాణమై తగిలేల గురిచూసుకొని ౹2౹

అర్ధము చేసుకొని ఆకళీంపుతో చేర రావా

పరమార్ధమే తెలిసికొని ఆలింగనం చేరవా ౹ప౹

చ౹౹

స్మరించి విషయం విపులంగా వివరించగా

హరించ మనసూ సాంతం అవలోకించగా ౹2౹

పరవశమే పరవళ్ళతో అలా ప్రవహించగా

పరంపరగా సాగినే కోరికతోను దహించగా ౹ప౹