ప్రేమపూజ !

నీవు విహారానికి యూరప్ వెళ్ళినా ,

ఇండియాను వీడి

అమెరికా పౌరసత్వానికి ఉవ్విళ్ళూరినా

నీ తలపులతోనే నాకు ప్రతిఉదయం ,

పిలుపులు చెవిలో మ్రోగుతూ

పడమట మరో ఎర్రని సంధ్యాసమయం ‌.

నీవు రోదసీలో పయనిస్తూ

చంద్రుడిలా దూరతీరాలకేగినా ,

చుక్కల్లో ఒక చుక్కలా

మిణుకు మిణుకుమనుచున్నా

పగలంతా నీకోసమే ఎదురుచూపులు .

రాత్రంతా చల్లనివెన్నెలలో

తడవాలని విరహజ్వాలలు .

ఎక్కడ నీవున్నా నీ కనుపాపల్లో

నన్ను రోజుకోసారైనా కనపడనీవా ?

మదిలో దాచుకుని

నీ ఆనందానుభూతుల్లో భాగస్వామిని కానీవా ?

స్వయంగా ఈ ప్రేమికునికై విచ్చేసి ,

అనుక్షణం నిన్ను నీవు నా ముందే ఉంచేసి

కలకాని నీ నవ్వులతో నా హృదయంలో

మమతలు పూయించవా ?

ప్రత్యక్షదేవతవై నిత్యం ప్రేమపూజలందుకోవా ?