ప్రేమిస్తున్నా !

నిన్ను చూసినరోజు నుంచి ఊహలేలనో

విడువక ఊరించి మురిపించుచున్నవి .

నీ ప్రేమను కోరి , అందులో ఆడిపాడమని

ఎంతగానో నన్ను ఉర్రూతలూగిస్తున్నవి .

నీవు కొమ్మపై పూసి , ఆకులచాటున విరిసి

నాలోని విహారిని స్వాగతించే సంపెంగవు .

ప్రేమలోని అందాన్ని నీ కోమల వదనంతో

కన్నుల పండువగా నాకోసం ఆవిష్కరించేవు .

నా చూపుల వలలో చిక్కి , ఆ తాకిడిగాలికి

ఊగుతూ ఒయ్యారాన్ని ఓ గువ్వలా ఒలికించేవు .

ప్రేమలోని ఆకర్షణను కలలోనూ తలచేలా

అనుక్షణమూ అహో అనేలా పదింతలు చేసేవు .

వర్షపు చినుకులకు తనువంతా తడిసి ముద్దై

పొంగిపొరలే సౌందర్యాలను విందు చేసేవు .

స్పర్శలో తపించే లయను , తియ్యని ముద్దులో

వర్ణనకు అందని వెచ్చని హాయిని కలిగించేవు .

గులాబీరంగు అంబరాల్లో నీవు ఒదిగితే

నాకు రోజంతా మైమరపించే గొప్ప అనుభూతే .

సంధ్యాసమీరంలో జంటగా షికారు చేస్తే

రెక్కలగుర్రంపై మబ్బుల్లో తేలే మధుర ఊహే !