ప్రేమాయణం

ప౹౹

అలలపై ప్రణయ కలల ప్రయాణం

కలకలమేలా కలదు ప్రేమాయణం |2|

చ||

మేళవించిన మనసుల మమతలు

మేల్కొనిన నవ వలపు ఆమెతలు |2|

సరిపోలే సరసపు సంగీత రవళిలే

సరి లేని వరసలు పలికే మురళిలే |ప|

చ||

కోరెలే కొత్తదనం కొంటెతనమే రేగా

మారెలే వింతగ మదిలోనే ఊరేగా|2|

పల్లవించిన ప్రణయం పలవరించే

పలుమారులే ప్రకటించి వివరించే |ప|

చ||

ఎడదలో మర్మమేమిటో ఎరగవా

ఎడదీయలేని బంధాలూపెరగవా |2|

కలలయానం కలిపే కల్యాణానికి

కమనీయమే ఇక ఆ లావణ్యానికి |ప|