ప్రేమాభిషేకం

ముద్దు మురిపెము తెలియని రాతిబొమ్మనని 

నా పై చిరుబురులాడతావు! 

మరి గుడిలో దేముడికి 

అభిషేకాలు పూజలు సమర్పిస్తావు!

నీ నవ్వుల సుమాలతో నన్నెందుకు అభిషేకించవు?

నీ బిగి కౌగిలి ఆలింగనలో నన్నెందుకు బంధించవు?

నీ ముచ్చటైన మాటల మంత్రాలతో  

నన్నెందుకు ప్రసన్నం చేసుకోవు?

నీ కళలతో నన్ను అలరించి 

ముద్దు, మురిపెము, సరసము, సొంతము 

అనే వరాలను కోరితే 

నీ ఒడిలో ఒదిగిపోనా ప్రియా!