పోస్టు చేయని ఉత్తరం

ప౹౹

రాశా రాశా నేనూ ఒక చిత్రమైన ఉత్తరం

వేచావేచా తిరిగి వస్తుందని ప్రత్యుత్తరం ౹2౹

చ౹౹

ఎదలోని భావాలు ఏకబిగీన రాయాలని

ఏదోఏదో రాశానే సరికొత్తగ తెలియాలని ౹2౹

మనసులో యోచనలు బాగా రంగరించి

ధనసులాగ ఎక్కుపెట్టానే చాల వివరించి ౹ప౹

చ౹౹

కలకలమే సృష్టించాలని కలలోకూడాను

కలకాలం గుర్తుండాలని విడవకుండాను ౹2౹

భాషలోని ప్రాసనే వాడానే గుర్తుండాలని

తమాషగ అనుప్రాసే రాశా బాగుండాలని ౹ప౹

చ౹౹

ఇకఎదురే చూసా తన జవాబు కోసమని

ఆనకచూసా ఏమిచేస్తుందో పరిహాసమని ౹2౹

కొన్ని రోజుల తరువాత..

లేఖఅక్కడే ఉండటంచూసా తడబాటున

అరరే...

మరిచాను పోస్టు చేయనూ పొరపాటున ౹ప౹