పొగ లేని బతుకు

ఏమిటో వెలుగు రేఖలు

నిటారుగా నిలబడి

ఆశల దారులకు బాటలు చూపిస్తుంటే

వ్యసనాల చట్రంలో చిక్కుకుని

బాటలను బీటలు వారుస్తున్నావు

తోలుతిత్తే కదాని అలుసుగా చూసి

డొక్కలకు పొగపాగా వేసి

నరకానికి నకళ్ళుగా మార్చుకున్నావు

మాయనంటి పెట్టుకుని జనించిన నీకు

కమ్ముకుంటున్న మాయాపొరలు కనబడవు

కనీస స్పృహను కోల్పోయిన నీకు

కనువిప్పు మాటలేల వినబడుతాయి

ఇకనైనా మేల్కోనలేదో

ఊపిరి కూడా బరువవుతుంది

ఉసురాడని నీకు పొగ లేని బతుకు విలువ

ఉన్నట్టుండి మనసును కదిలిస్తుంది

అర్దాయుష్షుతో తనువును చాలించక

అప్పుడైనా కొత్త పేజీని పునర్లిఖించుకో