పలుకని చిలుక..

బిడ్డ ఆకలి తెలిసిన తల్లిలా

ఆమె అక్కడే నిల్చుంది

అలసిన చిలుకను నిద్దుర లేపి 

పండ్లు తినిపించాలని ప్రయత్నం

గుర్తొచ్చిన బిడ్డ

చెమ్మగిల్లిన కళ్ళు

దినచర్యలో భాగమే ఇది

ప్రతి రోజూ చెప్పుకునే బాధలు

వింటుందా ఆ చిలుక

ఓ రోజు ఆమెకు అనిపించింది

స్వేచ్ఛను మించిన ఆనందం

ఆహారంలో ఇవ్వలేను అని

స్వార్థమా

సాయమా అని ఆలోచించి చూస్తే

పంజరం తెరవాలనిపించింది

ఇప్పుడిక తనని ఎవ్వరూ ఆపలేరు

తెరిచిన పంజరంలో నుంచి

బయటికి ఎగిరిన చిలుక

ఆమెకు ధన్యవాదాలు చెబుతూ

హితబోధ చేసినట్లు అనిపించింది

ఆమె ఒక అడుగు ముందు

కు వేసి

బయటికి చూసింది..